Ewa Swoboda gŏdŏ po ślōnsku! Żorzanka promuje Diamentową Ligę: „Jo jŏ zrobiã szoł, wy zrobicie larmo!”

Polskŏ wersjŏ artikla pode spodkiym/polska wersja artykułu poniżej:

Ze Żorōw na Szpile Ôlimpijskie

Ewa Swoboda urodziła sie we Żorach 26 lipca 1997 roku. Dzisiej, we dziyń ô twarcio Szpilōw olipijskich we Paryżu, fajruje swōj 27. gyburstag. Szportsmenka szpecajlizuje sie we lŏtaniu na krōtkie dystanse. Sprinterka już za bajtla była fest wyzgernŏ, jeij ôjce w gŏdce z TVP sport padali, że małŏ Ewa zamiast łazić po chałpie, dycki lŏtała. Kiej miała 7 lot, ji talynt spomiarkowała trenerka Iwona Krupa, kerŏ durch jã kludzi. Ewa gibko napoczła ôdnosić sukcesy we szpilach we Polsce i na Świecie. Terozki bydzie lŏtać na 100 metrōw na Szpilach Ôlimpijskich we Paryżu.

Sprinterka niy ma ino znōmŏ z gibikości i szafniyntych medalijōw. Mŏ tyż maszketny styl. Na szportplacach idzie jã zarŏzki poznać po tatuażach i bōntych, dugich pazurach. Ewa udowadnio, że baba może wyglōndać tak, jak sie ji podobŏ i durch ôdnosić sukcesy. We 2024 fyrma Mattel zrychtowała podanŏ na niã pupa Barbie. Pupa wyglōndŏ blank choby szportsmenka, aji mŏ identyczne tatuaże. Inkszymi babami z Polski, ôkrōm Ewy Swobody, kiere majōm swoje pupy Barbie, sōm lekoatletka Anita Włodarczyk, szoferka Iwona Blecharczyk i wandruska Martyna Wojciechowska.

15. edycjŏ Memoriału Kamile Skolimowkij

To już 15. edycjŏ Memoriału Kamile Skolimowskij. Tref ôrganizowany je ôd 2009 roku. Upamiyntniŏ Kamila Skolimowsko – polsko lekoatletka, złoto medalistka w ciepaniu fojstlikiym Szpilōw Ôlimpijskich we 2000 roku we Sydney. Ôd 2018 roku szpil je rychtowany na Stadionie Ślōnskim, a ôd 2022 roku je tajlōm Diamyntowyj Ligi – jednego z nojważniyjszych szpili na Świecie. Nastympnŏ edycjŏ Memoriału Kamile Skolimowskij napocznie sie 25 siyrpnia 2024 roku. We wideo wciepanym na ôficjalny profil Memoriału na X (przodzij Twitter) mogymy podziwać sie na Ewa Swoboda, kerŏ zaprŏszŏ na tyn tref... po ślōnsku! Filmik możecie sie ôboczyć tukej:

(po polsku) Z Żor na Igrzyska Olimpijskie

Ewa Swoboda urodziła się 26 lipca 1997 roku w Żorach. W dzień otwarcia Igrzysk Olimpijskich w Paryżu obchodziła swoje 27. urodziny. Sportsmenka specjalizuje się w biegu na krótkie dystanse. Sprinterka już jako dziecko była bardzo ruchliwa. Jej rodzice w rozmowie z TVP Sport mówili, że mała Ewa zamiast chodzić po domu, zawsze biegała. Kiedy miała 7 lat, jej talent zauważyła trenerka Iwona Krupa, która wciąż ją prowadzi. Ewa szybko zaczęła odnosić sukcesy na zawodach w Polsce i na Świecie. Teraz pobiegnie na 100 metrów na Igrzyskach Olimpijskich w Paryżu.

Sprinterka nie jest jedynie znana z szybkości i zdobytych medali. Ma też wyrazisty styl. Na stadionach da się ją od razu rozpoznać po tatuażach i kolorowych, długich paznokciach. Ewa udowadnia, że kobieta może być wierna swojemu stylowi i nadal odnosić sukcesy. W 2024 roku firma Mattel stworzyła wzorowaną na niej lalkę Barbie. Lalka wygląda dokładnie tak, jak sportsmenka, nawet ma identyczne tatuaże. Innymi kobietami z Polski, poza Ewą Swobodą, które mają swoje Barbie, są lekkoatletka Anita Włodarczyk, kierowczyni Iwona Blecharczyk i podróżniczka Martyna Wojciechowska.

15. edycja Memoriału Kamili Skolimowskiej

To już 15. edycja Memoriału Kamili Skolimowskiej. Impreza organizowana jest od 2009 roku. Upamiętnia Kamilę Skolimowską – polską lekkoatletkę, złotą medalistkę w rzucie młotem na Igrzyskach Olimpijskich w Sydney w 2000 roku. Od 2018 roku spotkanie jest organizowane na Stadionie Śląskim, a od 2022 roku jest częścią Diamentowej Ligi – jednego z najważniejszych turniejów na Świecie. Następna edycja Memoriału Kamili Skolimowskiej rozpocznie się 25 sierpnia. W wideo udostępnionym na oficjalnym profilu Memoriału na platformie X (dawniej Twitter) możemy zobaczyć Ewę Swobodę, która zaprasza na to wydarzenie... po śląsku!