"Czorny dyjamynt prosto ze Ślōnska"
Od parunastu lat język śląski przechodzi renesans. Po naszymu pisze się książki i poezję, dubbinguje się hollywoodzkie filmy i prowadzi marketing dla znanych marek. Aktywiści i językoznawcy udowadniają, że w języku śląskim można napisać wszystko. Wygląda na to, że teraz przyszedł czas na ogłoszenia sprzedaży samochodów.
Na popularnej platformie sprzedażowej Otomoto pojawiło się ogłoszenie sprzedaży Volkswagena Passata, rocznik 2015, napisane w całości po śląsku. Jego autorem jest Adrian Goretzki, który od 2015 roku prowadzi śląskie biuro tłumaczeń PoNaszymu. Autor wykazał się nie lada kreatywnością w tworzeniu treści ogłoszenia.
"Auto, kerym przewieziesz wszyjsko: ôd szranku i byfyja, przez nowo lauba na działka, aże po teściowo do lasa [...] na zicher może budzić emocyje. Czymu? Bo to doprowdy czorny dyjamynt prosto ze Ślōnska. No dobra, siwy dyjamynt, ale i tak je to fest ôkazyjo. Jak to godajōm: FOL ÔPCYJO." - czytamy na stronie serwisu Otomoto.
Okazuje się, że to nie pierwsze ogłoszenie Adriana napisane w języku śląskim. Wcześniej w podobny sposób reklamował swojego Nissana Primerę.
- Poprzednie samochody sprzedawałem również poprzez ogłoszenia napisane po śląsku. Stareńki Nissan Primera trafił w ten sposób nawet na stronę główną polskiego serwisu TopGear - mówi Adrian Goretzki, autor ogłoszenia. - Dla mnie napisanie ogłoszenia po śląsku to tylko chwila pracy - po śląsku mówię, piszę, myślę. Dodatkowo doświadczenie zdobyte w trakcie prowadzenia "Ślōnskigo suchara na dzisiej" na Facebooku nauczyło mnie tworzenia humorystycznych treści po śląsku bez uciekania się do "bercikozy" i żartów z Sosnowca. Ten tekst w każdym innym języku, z dopasowanymi odniesieniami kulturowymi, najpewniej budziłby uśmiech na twarzy - dodaje.
Ogłoszenie jest wypełnione nie tylko humorem, ale też profesjonalnym słownictwem motoryzacyjnym. Czy śląski język użyty w ogłoszeniu nie zawęzi grupy potencjalnych kupujących? Według autora - nie:
- Osoba, która nie posługuje się językiem śląskim a mieszka w Polsce, zrozumie ten tekst na poziomie takim, jak zrozumiałaby np. język słowacki. Ponadto sporo jest tam słów uniwersalnych dla wielu języków, szczególnie w zakresie wyposażenia samochodu. Do tej pory miałem kilka telefonów spoza Śląska, nikt nie prosił o tłumaczenie. Ale jeśli poprosi, to oczywiście takie otrzyma - wyjaśnia Goretzki.
Opis samochodu:
Sprzedōm Passata, auto marzyń ôd mocy ludzi. Auto, kerym przewieziesz wszyjsko: ôd szranku i byfyja, przez nowo lauba na działka, aże po teściowo do lasa.
Możno i to niy ma klasyczno wersyjo B5 po lifcie z pōł miliōna kilometrów przebiegu (na blacie ino 180k, toć), ale i tak na zicher może budzić emocyje.
Czymu?
Bo to doprowdy czorny dyjamynt prosto ze Ślōnska. No dobra, siwy dyjamynt, ale i tak je to fest ôkazyjo. Jak to godajōm: FOL ÔPCYJO.
Auto je z polskigo salonu ze stolicy Ślōnska - Wrocławio, kupiłech je poleasignowe w 2019 przi przebiegu 108 386km. Teroz mōm 179 432 km.
Ja, wiym, co wszyjske handlyrze cofajōm liczniki do ôk. 180k, bo to fajnie wylgōndo, i kożdy wierzi, co tyn Golf w dizlu wcale niy mo już pōł miliona i doleciōłby na Ksiynżyc, ale tu richtich je tela przejechane, co idzie ôbadać i w polskich registrach, jak i ze niymeckōm precyzyjōm we salōnie VW.
Silnik to bynzyna 1.8 TSI, skrzinia autōmatyczno DSG, siedym biegōw. Mocy styko, idzie sie tyż w Niymcach na autobanie pojechać 200km/h, a na sztelōnku „S” fajnie przispieszo. W cyklu miyszanym spolo 7 litrōw bynzyny na 100km - to realne moje zużycie, niy te bebloły z prospektōw, kaj i srogi SUV poradzi spolić 5l/100km w miyście. Jak tela richtich spolo, to jo je arcypiskup Canterbury.
Wersyjo wyposażynia to je Highline, bogato jak twōj ōnkel z Rajchu:
- Systym audio Dynaudio, 10 głośnikōw i subwoofer we kofrze (idzie sie puścić „Gołymbiorzy” na fol)
- Fotel kerowcy ergocomfort (sprawio, co rzić cie boleć niy bydzie, a i heksynszus przjiść naroz niy powinien)
- Reflektory LED matrix (autōmaycznie sie sztalujōm w czasie jazdy)
- Czujniki dyszczu i ćimy
- Aktywne doświytlanie zakryntōw
- Autōmatyczny tympōmat
- Systym kōntroli trakcyje, ESP (do wyłōnczynio, jak ftoś chce zrobić drifta na śniygu i skōńczyć na SORze na Goduli)
- Skrzinia autōmatyczno DSG, 7 biegōw, dwie zorty sztalowanio: D i S
- Kamera jazdy do zadku
- Czujniki parkowanio
- Kamery systymu 360st., widok 3D
- Asystynt parkowanio
- Systym wykrywanio auta na przodku, systym trzimanio ôdległości ôd auta
- Systym wykrywanio kolizyje
- Systym automatycznego brymzowanio (hamowanio) w miyście
- Autōmatyczny tympōmat (ty ino musisz kerownica ôbsugiwać)
- Systym ôświytlynio pojstrzodka ambiente LED
- Funkcyjo coming/leaving home (cobyś po ćimoku niy ôbalōł sie ô cwerga w zegrōdku)
- Trzicounowy Climatronic + regulowany nawiyw ze zadku
- Tapicerka pōłskōra (skōra + alcantara)
- Podgrzewane zice z przodku
- Podgrzewane zdrzadełka boczne
- Poduszki powietrzne z przodku, po bokach, kurtyny i poduszka kolanowo
- Gniozdka do sztekra USB (C i A)
- Gniozdka 12V (przodek, zadek, kofer)
- Hok (ale niy funguje ôd poczōntku – niy mōm jachtu, coby go smyczyć za sobōm nad Adriatyk)
- Registrator jazdy Ultra HD + HDR, przodek i zadek – koreański FineViu GX300, podłōnczōny do akumulatora, kable schowane
- Ôryginalne, nowe tepichy gumiane + gumiano mata do kofra + ekstra nowy zestow tepichōw welurowych (jak ftoś lubi mieć tepich w dōma, we aucie (a i możno tyż na klacie))
- Pōłnowymiarowe koło zapasowe
- Nowo apteczka, gaśnica, trōjkōnt, westy ôdblaskowe
- …i moc inkszych rzeczy, czynść je tyż wylistowano sam na wiyrchu.
Auto je bezwypadkowe, prowadnice proste etc. Mōm raport rzeczoznawcy ze zakupu we 2019 r., tam wczaśnij bōła jakoś szkoda parkingowo, wymiynili drzwi i polakierowali. U mnie ino 2x nowe zderzaki, przōdnio sziba po kamiyniu i ta ôkładzina wygłuszajōnco na masce, bo jakoś kuna miała prawie głōd i ja cołko zeżarła. I niy miała ta mało heksa ÔC, tōż musiołch to zrobić sōm. Na wszyjsko mōm papiōry, robiōłch to we ASO.
A jak idzie ô ASO, to auto bōło serwisowane we nojbarzij ślōnskim ze ślōnskich miast, to je we Świyntochlowicach. Tam i drzewa godajōm po ślōnsku (a szczegōlnie, jak żeś przōdzij skosztowoł trocha gorzoły, wtynczos mogesz sie ô wszyjskim z nimi poôzprawiać).
Bōł to salōn Porsche Katowice, chocioż żodnego Porsche żech tam niy widzioł. Chyba że keryś na swoja Fabia godoł „Porsche”, to możno wtynczos ja. W Katowicach tyż to niy bōło, ale uwog do roboty niy mōm.
W ASO robiyłech przeglōndy i wymiana ôleju, kajś co 10-12k km (Castrol 5W-30 abo ôryginał VW), wymiana świyc żarowych jak i serwisy klimatyzacyje. Wszyjske tajle zawdy bōły ôryginalne.
Nic poważnego sie we aucie niy popsuło, wymiana tajli eksploatacyjnych i jakieś naprawy robiōłch abo w ASO, abo we zabrskij werkszteli Basik Auto, kaj serwisuja auta ôd 2011 r.
Tajle do wszyjskigo stosowołch abo ôryginalne, abo top zamiynniki (jak zawiyszynie to Monroe, jak tarcze i klocki Textar etc.).
Rozrzōnd silnika je na kecie. Ôleju silnik biere w granicach normy producynta, kajś kole 1l na 3000-4000km, zależnie czy jedzisz chopy twōj ôpa, czy zbierosz pōnkty ôd modrych misiōw (przi 30 ponoć dowajōm koło gratis). W kożdym razie TSI tak majōm, że lubiōm dolywki.
Ale wiysz, Mirek handlyrz zawdy ci powiy, co silnik niy biere nic ôlyju, stan igła, stary Niymiec ino jeździōł po żymły do Lidla, nic ino loć i jechać. Ino handlyrz przepōmnioł pedzieć, że loć to bardzij ôlyj niż bynzyna, bo tyn „stan igła” biere pōł litra na tauzyn, a to przeca durś „norma producynta”, ani do sōndu niy pōdziesz. A jo godōm ôfyn wiela je.
Auto bōło tyż regularnie na detailingu. Teroz je prawie po nostympnym zestawie: mycie, dekōntaminacyjo lakeru, twardy wosk 9 miysiyncy. I mōm faktury na to, coch ô te auto dboł i ôd tyj strony. Wnyntrze czyste, mo normalne ślady użytkowanio, ale żodnych fleków na zicach i inkszych szkodōw niy ma.
Do Passata dociepuja ôpony klasy premium: letnie Bridgestone Turanza (bieżnik ok. 6mm, na ôko 2 sezōny bez problymu), zimowe Kleber Krisalp (ok. 6mm, sam tyż ze dwa sezōny bydzie).
Jo jestech fest rady z tego, jak te auto jeździyło. Na rajzy idealne – jeździōłch nim ôd Słowacyje po Wielgo Brytanijo, ôd Wyngrōw do Francyje.
Tōż teroz pōmyśl sie: jedziesz się na rajza po francuskich winnicach, kupujesz Chablis i szampana za setki ojro, jysz ta kyjza z arōmatym ôrzecha, a przi tymu na tyj cołkij francuskij appellation suchać „Gołymbiorzy” i klang, jak subwoofer chciołby wyskoczyć z kofra. Czy może być coś lepszego?
Może Cię zainteresować:
