Grzegorz Kulik: Niy fajruja Halloween. Jo je przeciwko tymu durch importowaniu wszyskigo z Ameryki
Fest mie szteruje, że dyskurs nad Halloween we Polsce zdōminowały grupy ludzi, co sie dzielōm podug polityki. Z jednyj strōny „moderno”, „światowo” Polska je za fajrowaniym Halloween, a z drugij strōny „zacofano”, „prowincyjōnalno” Polska widzi w tym norzyńdzie ôd Szatana. Skuli tego niy idzie podyskutować ô tym po ludzku, bo wszyscy sie zaroz rozpolajōm i nic dō nich niy dociyro.
