Ulica Zōmkowo w Katowicach, dzisiej al. Korfantego, ôna była szykowny zalōn ôd miasta
Ôd stoleci, ulice w miastach wykōnowały kulturotwōrczo funkcyjo dlo lokalnych społeczności jak tyż cołkich aglōmeracyji. Stare anzichckarty Katowic pokazujōm, iże te ulice były szykowny zalōn ôd miasta, kaj rozgrowało sie polityczne i społeczne życie ôd jego miyszkańcōw. Funkcyjo ulice zrewolucjōnizowoł wynalazek Forda Model T, to znaczy piyrszego auta produkowanego na masowo skala. To tedy zmiyniyli my spōsōb poruszanio sie z piechty-kōniym-sztrasynbanōm na auto, a głowno funkcyjo ulic zmiyniyła sie, żeby szło niōm wartko przejechać i w krōtkim czasie minōńć kwartały jedyn za drugim.