Stow, prōmynada i kobiyty we piyknych klajdach i szykownych hutach
na spacyrze – hned jak we turystycznych kurortach. Tak sie
prezyntuje jedna ze starych fotografiji ze Teichpromenade. I ino
hutnicze kōminy na zadku (no i podpis na fotografiji) skazujōm, że
to niy ma żodyn modny kurort w Niymcach, ino Königshütte.
Niyskorzij Królewska Huta, a jeszcze niyskorzij Chorzów.
Chocioż trza
spōmnieć, że – jeszcze za Königshütte – Chorzōw bez pōł
wieku ôn bōł ciepło woda. Bōł kōmpielowy dōm „Łaziynki
Amalie” (dzisiyjsze ôkolice placu ze dynkmalym Fryderyka Chopina
przed Specyjalistycznym Lazarytym), wodowy hotel i kōncertowo
muszla. Ale historyjo ôd „Bad Königshütte” skōńczyła sie
bez 20 lot przed powstaniym Hutniczego stawu.
Bez 80 lot we
cyntrum Chorzowa bōł stow. Pływali tam na łōdkach
Hutniczy Stow we
Chorzowie istnioł ôd 1872 r. i bōł kole 2 ha srogi. Powstoł kole
Krōlewskij Huty i na potrzeby tego prawie werku.
– Taki stow to było przede wszyskim miyjsce, kaj sie spuszczało rozmajte zniyczyszczynia ze huty. Kajś trza sie było tego pozbyć – pado dr Jacek Kurek ze Muzeum Hutnictwa we Chorzowie.
